Shugaban ƙasar Nijar, Janar Abdourahamane Tiani, ya buƙaci ma'aikata da jami'an ɓangaren shari'a da su bayar da cikakken goyon baya ga shirin sake fasalin ƙasa, a lokacin da aka buɗe sabuwar shekarar shari'a ta 2026-2027 a hukumance.
Wannan kiran ya zo ne yayin bikin buɗe sabuwar shekarar ta shari'a, inda Shugaba Tiani ya bayyana muhimmancin rawar da alkalai da sauran masu ruwa da tsaki a fannin shari'a za su taka wajen tabbatar da sauye-sauyen da ake buƙata domin gina sabuwar ƙasa da kuma kawo ci gaba a Nijar.
